KEIMA LOCHU PATHIAN DAN NEI KIN:
-KL Muana Vaiphei
Ipu Mosi kianga Pathian in thusawm a piak te lak a pawimaw pen khat chu ‘ Keima lo chu Pathian dan neiki-un’ ti hi a hi, a hin mihiam te a dinga Pathian chu a lamdang na leh a thik thu- siat dan amu thei a hi .zia bep lo achun khawvel leh a sunga thil um zosia hi ama’n a siam ah,a dawi gual a um chiat dinga guat chuam leh athu zui lo ta phawt chu tawp tiang nei lo a gawt ding ihi dan uh ki chian tak ah ei ziltil bep hi lo in zui chiat ding ua phutlui, pel thei him him ahi lo dan a namdet hi.
I Bible, a diak in Jeremiah zik a chun ka thupiak te leh Dan te laki hiatnawp bawl un Pathian dang la hawl un,lungil tak hilo in a min Mai in halmang thil lat, la bawl ua la ki thawi na teu le ka luak a suak in, ka za da mama hi ti’n a gen ah, zia zing lai a chun zawlnei lêm tamtak te le a um un Pathian thuthung thiangtho chu nasa tak in suk thanhuai in asubuak a um a, gawtna’n leh suak leh sal a tanna le tam tak a umngei a hi.
Abraham, Jacab,Isaac Pathian chu a Thiangtho in thikthu setak,thil thiang lo leh thildik lo him him ngaithei lo a hi, male a misiam ten Eden hivei nei in siam kawm Pathian tam tak mani phatlo na leh tatna siat ziak in Pathian I siam kawm un,eihepu tu eisiam tu kianga Kipak sang in lungkimlo na le tatsiat na’n i mang zaw uh a hi. Ahi Pathian tilo kipakna bukim imu zo lo uh a hi, mihing khawvel hi mimal ngaidan in I pum buai ua,chantawk a lungawina mu lo in khawvel hawitak le bukim a siam buai na khawvel I chansak tak a zawk uh hi.Ei khristian kochuam sung bep hilo in,Pathian a umpuai ti. Pawl tawh, Pathian tampi a hun leh amun zil a Pathian um a hi ti pawl kikal in khawvel hi buai nan a dim a ,nung leh ma chawn thei lo in a amtha ziang ta hi.
Zia chu thukhat in um ta leh ei Khrista kochuam thiangtho kiti te lâ ngei a hin le Pathian khat ging hingal a gindan,pawmdan,chiadan leh kisang bawl dan teu hi aki bang lo a tamtak ziak in kitaksan na ,ki thulaklona a tam ah, Christa Pathian a hi na hi khawvel hin a ki lang zo ta puan ” ginglo tute kianga chanchinpha ki tangko pi na ding a hi daltu liantak a hung hi tai.
Eima hi Pathian chenna in ihiu chun khawvel pumpi hi Pathian chenna in hi ding a hi.zia ziak achun Pathian chate leh mithiangtho te hitak ziak in zia khawvel thim tak leh beidawng tak mai hi salvak in Pathian lên tual chansak din taksa leh thagau in ki hepi in Zion la lem in lengkhawm tai tiu.
Lei leh van siamtu chate lenna Vangkhawpi hi diabol-zinglam chapa vaihawmnna pel a van Angelvam te tawh lengkhawm in vanla hawitak tak lêm in Ama tawh zawna tangsam ta leu hing khawvel a kidona leh ki metmakna um ta lo di’n christian ten khawvel vaihawm tai tiu, ‘Lalpa La gam hung tung ta hen’. Amen.
Zia a chung a te hi mamaw a hia,I sep bukim chun sauak leh sal, gal, kido thuthang, natna lau um, gam kichu, thina, lusunna,kana ,Liangvaina haw hi’n umta lo in nang leh kei ti um diak ta puan tin, In kuankhat gual in siamtu tawh limtawp um lo a hinkhua mat a hun tai, Tu leh tu zia hunbi chu siam leh tun sak ding in, khawvel hukdam pa chu I ngak ta hi.Hallelui Hallelluia Amen!