*☦️JESU A THAMUANNA BUKIM☦️*
*Mihiam khat a hung piang leisiat mihingte chu lungngai leh beidawng thei a siam ihiu hi. Nunnawp leh kipak na bep in hinkhua aki mang thei zinglo ahi. Kipakni dahni iti sek, siatni phatni chu khatvei tei ki maitua tei tei zing sek ahi. Lesiat hinkhua mat zing lai in haksatna leh buaina chi chuam chuam, lungngainate, beidawngnate, thomhaunate, imut theilona tite leh adang dang i tuak hun in, lenggual te, loiphate, u leh naute, nu leh pa te haw a lulna aki hedawk sek ahi. Mi haksat lai ah thamuantu a pang theite chu mi vangpha ahiu. Genthei liangvai sawm dawltu te chu napha sem ahiu hi*
*Taksa lam a thamuanna leh kipakna bawn zia gual ahi hawl a, ki buaipi mama ahi chun, thagau lam thamuanna ki nei leh anawp ding dan chu maw….?*
*Pa Pathian apat thamuanna, chatuan hinna mite suksiat theilo chu kinei ta maizen le chu aw,anawp um ngei!*
*Leisiat a mihiam te lunggeel in vak ngaitua tiam in,Jesu’n anungzuite a nutsia di kuan ah a um dan ding uh hi. Lawipha i ngai mama ten mun chuam a ei zinsan guat ua, bus station hem, inmun apat hem ah kithak daw (see off) khu anuam sam puai maw…?* I ngai mama i loipha ahem ahiloleh Khawmpina vel ah i ki thuapi lawite khawmpi bei ni zingah ki khen khule a nuam sam puai maw?
*A leader pau JESU, a muan mama uh, a master pau in umpi zing talo a, nusia phawt tading ahi dan gen in, thamuanna THUCHA avaithak hi a lopi tak zet hi. Zia THUCHA hi ama gingtute, Khristian te ading ah le ei vaithakna ahi*
*Lungngainate, thawmhau hunte leh beidawng ngawi ngawi a i um hun in, Zia i Lalpa Jesu’n ei vaithakna thucha hi geeldawk zing hitiu e. Mawk mai mai a ei nutsia ahi puai. Ei a ding ah mun, siam a chia ahi zawi! Ei thamuan ding Pathian thagau thiangtho chun ei chen chil zing ding ahi*
*Jesu’n la lungthim uh lau leh lungkham kiu un ati Thucha hin, i pawimaw dan chiat ua simtute zosia ei THAMUAN chiat tahen aw* AMEN🛐🛐🛐
*La lungthim uh lungkham ki’hen, Pathian la ging ui, keima le ei ging tau in. Ka Pa In ah umna tam tak a um hi. Chuti hiloleh, nang uh â ding ah mun siam in ka chia hi, ti ding ka hem? Chuleh, nang uh â ding ah mun ka siam leh, hung kit ing ka tin, ka kiang ah um dingin hung pui ding ka hi, ka umna nang uh le la umtheina ding un*
JOHAN 14:1-3
*“Do not let your heart be troubled (afraid, cowardly). Believe [confidently] in God and trust in Him, [have faith, hold on to it, rely on it, keep going and] believe also in Me. In My Father’s house are many dwelling places. If it were not so, I would have told you, because I am going there to prepare a place for you. And if I go and prepare a place for you, I will come back again and I will take you to Myself, so that where I am you may be also*
John 14:1-3
*☦️KHRISTA LALPE’N SEPAITE ☦️*