JAC pan lak na zal in S.Ginthianlal Vaiphei thu akilem na um ta.
20th Jan 2023 | Kanam Vaiphei
Pu S.Ginthianlal Vaiphei S.Kawtlian gari phut khak damzotalo thu a JAC ki phudawk te pan lak na zal in tu zingkal chun ki thukimna khat um thei ta ahi dan thu dawn ahi tai.
Pu S.Ginthianlal Vaiphei ahi le 16th Jan 2023 ni gari kua ahi helo in aphut khak atai san ahi. Kin tak a tawm ngai ten Damdawi in tut himaleh damzotalo ahinkhua ala bei kha ahi tai,a ma su kha gari te aki puan lo ziak in JAC ki phu dawk in aluang dam sa hi District Hospital Morgue a zan ni giak pi YVA leh CSO tribe chuam chuam apat mi tawm ngai bang zat ahem ten ala buai piu ahia, zia gual a ei la beisan na chung a Gari phukha lam te ki puang ding a JAC in ni bang zat hem huntiam piak ahi lai in, Civil society chuam chuam ten nasatak a sukha te mat daw thei ahi na ding a JAC ki thuapi pan alak zing lai un Pu Letzamang Haokip bial tu MLA ahi na dawl leh Pu LM Khaute MLA Churachandpur te’n Manipur Chief Minister kiang a buai na tut in pan nasa tak in ala khawm ui, zia phat achun, Pu N.Biren Singh Chief Minister Government of Manipur in eila beisan Pu S.Ginthianlal Vaiphei insungmi te chu panpi ding a thutiam a bawl a, zia dung zui achun, tuni hin Pu. S.Ginthianlal Vaiphei luang dam sa chu RIMS apat lak daw aum in tuni a vuiliam na hun mat ding ahi tai.
