HUNBI HIATTHIAM LEH MAT THIAM A PAWIMAWI:
-KL Muana Khaute
Khawvel a thilsiam josia’n hunbi a nei chiat in,a hunbi mang thiam ten lawtinna leh malzawl a chang chiat ui, amabo hunbi mang thiam lo te chu suak leh sal atan na leh a damsung sia uh chu lung ngaina leh beidawn na’n leh nisin in kipakna leh limna him a nei puau ah, jia gual mite chu mi lungsiat um a hiu, enle hin jia hunbi chu mang thiam thei ding in Siamtu pil na hinna chu kikawpi in nisin hinkhua mang ngai a hi.
Tulai tak in ei uh a ding political hui a hung nung hiau hiau pan ta,political survive a ki dawisakna a hem a, hilo le political a suak leh sal a tan na ding a hem ihe nai puau ah, Pathian hing gingtute ihiu ah, ama panpi dawn zing kawm ah, gahpha- sua chatna lampi di lamliam sial in pang khawm hitiu.ichen nau khawvel vaihawm tu suk buai Jolo di hial khawp Pathian a igin nau kalsuan chiat ding in khat kihepi na puan a kituam in ginna’n chungvanlai gual in sang tak in leng in I nampiu Lawng tawl tai tiu.
Hun chiate sa 1971 kum a North East India pumpi 6th Scheduled piak a hi lai a thep thak a um Manipur tribal ( hills) te tuni tiang chanvo bang ma nei lo a um te, tuhin namlian zawte Val a um ta mai hi I pawt daw thei na ding ah, UPF leh KNO in Central Govt. in Territorial Council 6th Scheduled BTC(Bodo Territorial Council) Based i dawn un, State thunei te leh eidaltu tam mama in, nasatak a ei nang pan a hi tau ah, jia thep leh zawlna,eilepthak guat nau hi, pâgal kai zou ding in Pathian in puitu te pilna leh lemgel thiam na hun pia hen la ,mipi ten le thatho tak in kinepna jui chiat ding in Lalpa zangaina leh panpina dawn chiat hitiu.
Tuchung political movement leh dawngkawt kihawn sunga malai a pat I lungtup un mual eiliam san khak chun, khang thak ten ei ngai thiam thei lo ding bak ua, kum bang nung a zia gual hun hi a hung um kit diam ti hetphak ahi ta puai.Zia ziak a chun, kuale nakhang nei chun hechian henla,thei na chiat a pang khawm a Pathian buan a, Tribal te namdang lak apat kivenbit thei na ding gam ,ei ma leh eima ki vaihawm thei na mu ngei ding in ipilnau,ithiam na inei ilam teu seng ngam in, pan la chiat hitiu, zia bep lou achun ihinna, ithisan lum a luan laisia gam leh nam a ding pa Pathian ging leh muang kawm in sem in pang chiat hitiu.
Awle,Israel nam tawm tak te kha le Amite’n a asiamtu a muan ua, Athupiak a zui tak uh leh Nam lian tak te a pat in a pui dawk sek ah, gam nuam leh lopi tak a pe sek hi.Zia gual ma chun ei le ama zuitu leh ami te ihi ziak un, Ami thiangtho te chu ei chawihawi ngei di a hi.