GAWTMUN/MELDIL KITI HI TAWT MAI MAI NADING CHI AHI PUAI; A UM TAK ZET AHI
HELL IS NOT A JOKE
By:GL Muana Neitham, MA.MDiv. Th.D(Research scholar)
Mihing â dingin khatvei thi guatsa ahi’n, ziazaw chuleh vaihawmna um in a
HEBRAITE 9:27
Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia
THUPUAN 21:8
Kuale Hinna Lekhabu a min kizik lo tapo chu meidil in a pai tau hi
THUPUAN 20:15
Nanghaw vang taksa um la hita puau in, Thagau ah um la hizaw tau hi; ziaziakchun, nangmau ah chun Pathian Thagau chu a chêng hi. Kua’nle Khrista Thagau a neilo chun ama mi ahi puai
ROMTE 8:9
Revelation 21:8 (KJV) But the fearful, and unbelieving, and the abominable, and murderers, and whoremongers, and sorcerers, and idolaters, and all liars, shall have their part in the lake which burneth with fire and brimstone: which is the second death
Revelation 20:15 (KJV) And whosoever was not found written in the book of life was cast into the lake of fire
Romans 8:9 Now if any man have not the Spirit of Christ, he is none of his
Unau, Jesu Krista la neilo a, la Pianthak lo chun, La chan ding chu ngaingam umlo tawpkhawk chatuan gawtmun himai ding ahi. Ki ngaitua vawng vawng tiam in, Gitlo hi kisik a Jeus bel mai leng hilo maw? Midang kuama enkin, Kochuam mapuitute le enkin, insak inthang a um Khristian kitite hawle endiak kin. I dinmun uh la thagaulam dinmun, Pathian tawh ikal aphatlo dan zawk kha ki ngaitua hitiu aw. Hun hi kikhel thei ahi e!
Lungmuang in ngainep mai mai puai tiu, Setan thep zawh sa thamuanna lem kha lipthak hun hitalo maw?! . Nang a ding a tawpna ni hung tun ding hun lahe pua ngal ah. Gawtmun kiti hi vang ngainawp um mama chu ahi puai. Hinla thudik gen a het ding ahi. Tulai ah I ngainawp, i bil uh a taina mama nate haw hin gawtmun lam ei pui zing ahi ti geeldawk thak hitiu aw. Thu zuau,khawvel dan gual takah kimawk pachaknate, ki genphatna leh kitilkhonate haw alau umdan ngaitua thak kit hitiu. Taksa thil ah i limna mamau teu, i bawl nawpteu, I etnawp zing teu, I sepnawp zingteu,I hun tamzaw imat zawnateu leh I nek leh I dawn zingteu khan PATHIAN ei gamlattu, Pathian lungnatna Gawtmun MEIDIL ei kailut zingtu ahi kha diam?
Pathian in I thagau uh mangthai dingin ei phallo ahi. Pathian hepina leh hukdam ding ah ei kona vak geedawk thak kit hitiu aw. ..
Nanghaw sêmgim leh puakgik paw zosiate haw, ka kiang ah hung un, keima’n a la chawldam sak ing ka. Ka ngawngkol hung puau in la, ka kiang in zil un: Lungthim ah nunnem leh kingaitawm ka hi; tichun, la thagau â ding un chawldamna mu’n lau
MATTHAI 11:28-29
Gilo kahi Lalpa ei ngaidam in ti thei ding leh Jesu bel ngam tadin Pathian thagau thiangtho in simtute zosia, a Van thil hitheinan ei phawng vek ta mai le aw ut um ngei. Zia ding chun panla in Pathian panpina dawn chiat hitiu aw.
LALPAN’ Athu asang thiam dingin ei malzawl piak chiat tahen aw,Jesu min in AMEN