HEALTH WORKER LEH PATHIAN AH SEMTE HI MIHIAM HINKHUA A CHAWK LIM IN, I DAM KUM TIAM A BELAP THEI HI
-KL Muana Vaiphei
Pastor te, evangelist te , teacher te, kochuam te leh a dang dang te’n kamdam le zaidam tak in a zil til ua, Lalpa thagau eu ah um chun thunuaigawl tak leh lungthim dik tak ah dawisakna zosia tawh kithu hil hin, Pathian melmu theina lampi leh eimau taksa leh thagau lam ah chawmtu hawitak a hithei hi. Tulai Christian tam tak a thu mai ah christian hi, Pathian thagau neilote hi malai a Pharisai leh Sadukaite gual ah Pathian le neilo ah Chiristian hina hin manthaina ei tut zaw a hi. Mo dawnte gual akhan ki um zing leh buaikha ding I hi, sûn a hem zan a hem, Lalpa ni chu gucha gual ah a hungtun hun di hiatlo a hi. Kisiam zo san um zing hitiu. Lalpa chu I kawtbul ua ding in kawt a kiu zing hi, I kawt I hawng ua, thagau lam annekpi thei zing ding in a kimansa um a pawimaw hi.
Chun, doctor, nurse leh health worker haw hi damlote a ding ah Gilead Pathian kianga damna chang ding ah I kiginlai in, I damlona natna lam hawi tak ah ei et piak ua, history te a kan ua, test chuam chuam bawl nung in gen le sak a nei sek ua, a damlote chu doctor iki etsak in kam kilawm lopipi a hung paukha sek ua, damlote dam sang in I natna khawkzaw deu sek a hi. I Doctor teu hin damlote kipak tak in ei etkawl ua, ei thamuan ua, kipak tak leh kamthiam tak ah zaidam kinepna aw tawh, ei thakdaw tak ua leh damlo len le kipak na aw leh thamuan na awte ziak in, damna kimu ding in I kinem ah, dam le a kidam hi. Mihiam lungthim a kipak leh I dam theina le ei panpi ma ma a hi. Ahin, damna kim chu Doctor leh Pastor khut ah damna umlo le himaithei, mihiamte thilbawl kipakna, kinepna hin kipak leh damna a bukim pua, bangtiang hem thamuangna kinei maleh Pathian zawk ah damna kim a um hi. Kipakna, thamuanna leh damna kim ah I um theina di’n Lalpa’n zawna ei pia ta hen. Halleluia, Amen!
Khrista gingtu leh nungzuite Pastor, Evangelist, Semtute, thagau ah I pitin theina di’n Bawngnawi leh Buchim piak ngai nalai ahi zing un, Bugum leh sagu bep in pan mai le hin buai in damlo khading I hi. Khristian hinkhua hi Lalpa dawigual ah I hung piting theilo tak leh tangchung ah thaumei vak gual in aki kimu thei puan, mite mu leh zui ding in etla kham a ting zopuai. Tuhin chu Pathian nei leh a thagau ah chenchil I hitak ziak un, zû leh vâ te’n le chunga Pathian siamsa leh hing tin te’n Lalpa chu pâk tau hen. Tichun, Lalpa chu lopi tak in chawihawi in um tan tin, khawvel chu limna leh kipak na’n dim tan ah. Zia phat chuleh Lalpa lopina hun muthei tai tiu. Amen!
