🙏GUALLUI THUPIL🙏
Aziktu: Pu Ginlalthuam
Lalgin Inn
Mualngat Innpi
Khualzinna Gam
PO/PS Moirang-795133.
🙏🙏
✍️ Ama hihna kihiat lo ah mansua michuh thousi, thoukang tawh bang bep ahi.
✍️ Nekguk leh chakguk ziakin, achang dite changpha talo; zawngthawk dih ngau in thuak.
✍️ A masiatna kimulo, zawng in ama tawkhawn kimulo in mi tawkhawn ah dem hi.
✍️ Thil him him atalua apha diak puai, akchan netaluang ka atina lam in akilawh khuh hi.
✍️ Numei apu um leh gancha apunei…..salian pani tangkhat, gamkhat ah takhawm ngailo.
✍️ Nungak melhawi leh pakcha aum sawt ngai puai.
✍️ Sa, akap masapa achang in maleh numei ah nunung zawkpa achang.
✍️ Lekha thiam hih mihingte hinna subuting tu lianpen ahi.
✍️ Nam sung kituak lona hung piansek hih sum leh pai, let leh lal ding dawina chuleh phung leh chang hiat ziak hawh ahi nuam sek hi.
✍️ Sakhaw, ho leh biak ah kikhen khak hih nawk hat ziak leh lawi upat hinawp ziak ahi deu sek hi.
✍️ Mi kilet sak te kiangah um leh inn nuai a um aki ekbat hi.
✍️ Dangka sum leh pai ah gual leh pai hawl hin hun sawt adai ngai puai.
✍️ Mihingte hih kuama sim mawh diak ding aum puai, pianna kibang thina le kibang.(Pathian siam gel ihiu)
✍️ Numei phatak hinkhaw chuh damdawi phapen gual ahin innsung navakna ahi.
✍️ Umchan khanchanpha lasin peilai sia hinkhaw pumpi siampha la hi.
✍️ Phung leh chang ah kibung khen sang in culture/ custom kibat ziak ah kipumkhat aphazawi.
✍️ Nekkhawm atui in pankhawm ajang hi. Innsung numei chapang in ah jem hawi gual in; Nungak Tangval in khua/ veng ah jem hawi ui.
✍️ Numei dingah pawsal, pawsal dingah numei….Chisuantu ahiu.
✍️ Pathian in sunggil lam ah en, maleh mihing in pawlawng ah en sek hi.
✍️ Innsung leh khawlai ah chamna aumlo ahi chun gam leh namsung inle kithutuak na aum ngai puai.
✍️ Vang kineppi sangin sep gim gaa kineppi apha zawi.
✍️ Zuau gen haisan in…..Ngalpeng liamlo thou achuh ngai paui.
✍️ Nungak upa a kamthiam in, Tangval upa agin um tai.
✍️Numei leh baalpi aum na puak puak ahin……numei lung leh vawk kuangdawng.
✍️ Mipau nuamlo alungthim anan…..mi kamtam in genkhial ahautei sek hi.
✍️ Suangpi suangchan athek……Khaw Hausa, khaw chagan athek.
✍️ Thingphung aphat leh agaa le aphan, numei phan chapang pha ahing…..Sakhi api asan leh anou le asan hi.
✍️ Uipi vak hat in saguubawk atuak maleh mi vak hat a inncheng ngai puai.
✍️ Numei kamtam gensiat achang maleh numei kamthiam gen phat achang sek hi.
✍️ Chanu ginchat ah zawlgai nuam in, chapa ginchat ami mawh nuam hi.
✍️ Gaallu kichan gaallu atuak….Vangsiat leh leisiat kituak(Tulai tak ah Bangladesh ah Rohingya gaaltai ten atuak ui)
✍️ Gawl lawp in anepha tei in maleh minsiatna aluzang in akikhuk nuam hi.
✍️ Cha neilo kikhual anan….chaga kikhual kum kik ahi sek hi.
✍️ Namkhat minung del……..Chuleh Sial lut nungah sialdai kaal.
✍️ I zawchung ah thu atam…..chuamchawu thing chungah chem ahiam.
✍️ Akcha agilsung ah kichuu…….Innsung kituaklo ah mangthai.
✍️ Khawvel ah kigawtna pha pen chuh nunaw/ nuthak thumvei tiang nei ahi.
✍️ Gambik nei inawp ahi chun kipumkhatna dawmsang hitiu.
✍️ Kipem hat talo kin chaga, vakvai khanla.
✍️ Lekha thiam apung in nam ngaina a kiam hi.
✍️ Nekguk chakguk apung in gamsung akeu gawp tai.
✍️ Phaijang numei melhawi tak sangin, thingtang numei melhawi tak achuai hak zawi.
✍️ Mi nawk hat in thilpha tam tak achan ban in khawitak mun inle abek sawt ngai puai.
Guallui thupilte hih adiklo ihiat aum chun sukdik zel thei ahi. I gam leh nam khanglian zel ta hen.
😄😅😂
