GINNA MUAL SUA DING
(Philippite 3:14)
Phillipite kianga a sawlchak Paul in lekha a thawt Khrista a dinga suangkul a tan AD 61 vela a jiak hidinga Mithiam ten a ging chau a, thilpiak va pe tu hi Epaphrodite ahi. Zia thil piak ava piak sung a chun kochuam um Dan leh ki zil til Dan dik leh dik lo te genkhaap ahi zaw in zia lekhathawt hi ahung puak ahi, ahung kit lam a chu damlo na a tuak thu I mu, athilpiak teu chung a kipak thu genna leh Khrista a dinga atawp tianga gin di thu a vaithak a, Phillipi kochuam te a dinga a chun thu kipak um leh ginna lam suhat tu a hung hi ahi.
Paul chun Phillipi kochuam te kianga chun Lalpa kipak jing ding hi chimchak lo ding ahidan leh a phatchuam Dan a gen ban in, migilo te lak a chithei a, tisa ki muang lo a zektan lunggul te apat le chitthei di thu ahil hi. Chuleh Thagau Pathian ho a jesu kimuan pi te hi zektak dik tak ahi chu a hilchian a. Zia ban kit a chun taksa lama ki suang ding hita leng Israel mi Hebrai lak a piang, Dan lan kai achun Pharisai ka hi chun phachuam ngaina lam a chun kochuam sukgenthei diak na a lang a, chun dem kai lo ka hi himahleh kei ading a lawkna taphawt chu Khrista zal a channan ka guat ta ahi. Zia jiak achun thiL bangkim chu ka huat ahung hi tai.
Khrista a ka um thei na ding in keima dikna hilo in ama dikna ah ka kitu lut ta ahi. Chutichun, ama lekha athawkitna thilhitheina kaki kawppi in, athina a ama ka kibatpi na thi ing ka tin, ama thawkitna ka thaw kit thei na din in.
Kamu zo ta kati puan, ka bukim tai le ka ki ti diak puan, Khristan ei mat law na pen chu ka tuk det theina din kunglam chu ka del ham ham ahi. Suapite a chang zo ta ka ki ngai puan, ahinla nunglam a thil um te hemil in, maîlam a thil um te chu ka del ham ham sek hi.
Khaile, unaute Khrista Jesu ah, vanlama Pathian kona sang tak kipak man chu mu ding in kunglam chu del ham ham itiu. I phak taksau chu nung et kit ta lo in Jesu Kross chu put hasa mahleh mitthi pawt leh khawsa-ul va jut jut pum in thi tiang huam in Lalpa chu zui ham leu hin Lalpa gamtiam gam chu tung ngei di ihiu. Amen!
