11th Feb 2025 | Kanam Vaiphei
Apollo Veng, New Bazar, Tedim Road (Axis Bank) taw kinai cha um GetinLamka News & Media House hawndaw na Zani February 10, 2025 nitaklam 3:30 in aum hi.
Zia hun ahin zinza um apang LM Khaute, MLA, Lamka (58-CCPur A/C) in GetinLamka News & Media House hawndaw na ding in ribbon cutting anei a, Zia zaw in, GetinLamka News & Media House hawn dawna hun aum hi. Hun mat sung in, Lianboi Vaiphei in ma apui a programme sim thak na aum hi. Lamtua na thucha S. Malsawm, Founder & Chief Editor in anei a, aman ahoulimna athugen na ah GetinLamka News hi Vaiphei pau ah News kisim ahia, News Entute leh ngaithatute a ding ah thu kichian, thudik leh pawimawte hilsawn zel ding hi GetinLamka News tuple dawi ahi tin agen hi. Chuleh, GetinLamka News in thusua suadawk thei na ding in government dan toh kituak in phalna bukim le akinei hi ati. GetinLamka News Founder & Chief Editor S. Malsawm in houlimna anei zaw in zinzaum LM Khaute in houlimna anei hi. Aman ahoulimna ah, GetinLamka News & Media House hawdaw thei ah aumna chung ah akipak pi na thu aphuang a, maban a News kingakna thei, media house dangte sang a thudik leh dawichuam nei ah thusua bawl lou ah, thusua um te ahi gual gual ah thupia sawn tu pang ding in adawisak na thu apuang hi. Chuleh, Media/Journalist ten akum lut a thu khualna anei teu ahem ahilou leh Media/Thusua mi ten thu dik azik te /aphuan daw uh government in le evidence ding leh document poimaw tak a kimang sek ahi tinle agen hi. Aman houlimna aneizaw in kipak thugenna Pauchungnung Vaiphei, Associate Professor, CCPur College in anei hi. Chun, hunkhak na ding leh GetinLamka a ding a Malsawmna dawtpiak na Pu Ginlalthuam, Mualngat Hausapu in anei hi.
