EVAN. HAUZALIAN CHANCHIN CHAWMKIM

A pianpi a unau te chu-

(L) Ms.Khawlzahawi

(L) Ms.Chinneihau

(L) Ms.Hauneiting

Evan.Hauzalian

(L) Ms.Khamkhawhawi

(L) Ms. Khawlzakim

(L) Mr.Ginkhawtinthang

(L) Rev.Thianzalal

(L) Ms.Niangdawikim @ Niangnu

(L) Mr. Khamkhanpau te a hiu.

Ama hi Bualtang khua’n a piang a, pianken ah mi hisel tak leh pian hawi tak a hi. A pianni chet hi hetchian thei a hi ta pua, July 12,1932 ah piang ah hiat a hi.

Kum 1972 in a hepi tak a zi Mrs.Tingtinkim d/o (L) Damkhawtinjam chanu tawh Phaipheng MCO kochuam in (L) Pastor Lalliansawi khut in kochuam dan thiangtho in a kicheng uh a hi. A pu Ngulhau a kipat a hin Khristian a la hi tau a, tudinmun tiang a hin Khristian a hinau hi a khang lina (4) a hi tau.

Mihing hin vanglai hun khat hi i la nei chiat sek ua, apa (L) Upa Kamkhawthang hun lai in a insung uhi insung khawsa thei tak a hiu a, mite en leh belbul khat a la hiu.

Evan. Hauzalian hi (L) Pu Sawmkholal leh (L) Pu Kaihau lawi hun lai ah Vaiphei nampi a ding ah theitawpsua ah panlatute lak ah khat a hi. Pu Sawmkholal vanglai ah Pu Sawmkholal ho thei umsun chu ama Hauzalian hi a hi ziak in, mite ngaisan thudawt, ho leh biak poimaw tak khat a la hi.

Pian dan in ama hi mi vangsia ti thei in a um a, khang chia dan ah ama chung ah Phaltual Insung upa pen Pu (L) Thualkhokai hi suanmang a hung hita . Chanu pani (L) Sawizakim leh (L) Tualkhokim te a hing hi. Pu Tualkhokai naupa Pu (L) Thangzakhum hin chapa khat leh chanu khat a hing a, amau te chu- (L) Kaikholam leh (L) Nemzakim (Vawmnu) te a hiu. Pu Kaikholam hi zi nei manlo in a thi kit a hi. Ama le suanmang a hung hi kit zel tai. Khang ni suanmang a hung hi tak ziak un, (L) Pu Sawimang chung in Phaltual insung upa hina a hung kinga tai. (L) Pu Sawimang khang hung chia suk dan chu:

Pu Sawimang in Pu Kamngul a hing a, Pu Kamngul in Pu Thualkam a hing a, Pu Thualkam in Pu Ngulhau a hing a, Pu Ngulhau in Pu Kamkhawthang a hing a, Pu Kamkhawthang in Pu Evan.Hauzalian a hing a hi. Evan.Hauzalian hi a khang 6na a hung hi tai.

Evan.Hauzalian minsa (L) Pu Ngulhau hin 1938 kum in Lingsiphai khua hi a la sat a hi. Evan.Hauzalian hi, Kum 1974 kum in MCO Mission nuai ah full time worker in a la lut a. Kum 10 Teacher na a sep nung in, 1984 in Headmaster mawpuakna sem ding in dawpsan in a la um hi. Headmaster na kum 11 a sepnung in Evangelist sem ding in kum 1996 in appointment piak in a um kit hi. Lalgam nasepna huitung tak ah a sepzaw nung April 01, 1999 in a la pension ta a hi.

Amau nupa’n kal ah gil a ga Pathian a pat malzawlna gochan chapa pathum leh chanu pathum a nei ui. A chateu chu-

1. Evan.T.L.Mang Vaiphei h/o Mrs.Nianhawikim

2. (L) Khaimuanlam @ Peety Khaimuan

3. Mrs. Ngaiphakim @ Phaneu w/o Mr. Pauneilal

4. Mrs.Nemlalngak w/o Mr.Javies Phaltual

5. Mr. Vickson Kailiankhual h/o Mrs. Lalnunmawii

6. Mrs. Ngaithiannei w/o Mr. Ginmalsawm

Chun, a chapa te leh a chanu te a kipat in tu 8 Pawsal -6 leh Numei 2 mel a mu ta a hi.

“Lalpa’n zia chan hi ei pui a, ka kipak uh a hi.”

____†____

By: Vaiphei Tawngsua