Ei Hingtu Nu leh Pa Zâ Ngêi Ngêi Ding
#Bible chângtêl: Ephesia 6:1-3
Tepte ding ah pawimawte:
1. Naupangte haw, Pathian thupiak gual in la nu leh la pa thu awi un. Zia chu lei ah la dam sâwtna ding uh ahi.
2. La nu leh la pa pil in chinglo maleu le, lei ah la Pathian a hiu ti’hi hemil kin.
3. “La nu leh la pa zâ in”, ti’chu, malsâwmna ding ah Pathian thupiak masa pên ahi.
4. La nu leh la pa sâng ah a hung hepi zaw, zia khualzinna khawvêl ah hin umlo ahi, ti’ hemil kin.
5. Tuisik ah pat a hung enkawl ua, a hung vâk piting ua, zia chu lunggil ah vawpdet jing kâwm in, la nu leh la pa thasiat sak him him kin aw!
6. La nu leh la pa’n a hun zilgaina teu ziak in awsâng in dawnhû him him kin.
7. La nu leh la pa suilung mawl, dawt tâklo himaleu le amau hiatlo a thutanna/thupûkna bawllo a phai.
8. Damsâwt ah gualchung chuang, mi lâwting la hung hi’theina ding in, la nu leh la pa thu’ zâwm in.
Nu leh pa mantam dân hi hian, cha leh te’n za ngêi ngêi ding ahi. Zia chu, lâwtinna thugûk Lalpa Pathian thutiam, thupiak masa pên chu ahi. Chuleh, lei ah damsâwtna le ahi nalâi hi.
Damlai hinkhua hun chawmcha sung ah hin, nunu leh papate chung ah lungnat man ah tâwikhial leh kisik lo hial ding in chingthei in aw khanglai!
La hun mantam pên pên “sana khang”(golden age)mat dik guan. Zia hun kisialaw hun ah hin, khen khat â di’n damsung hamphatna chuleh khen khat â di’n damsung vângsiatna ahithei hi. Nu leh pa musit, simmaw chuleh hi’genthei châ chu a khantung him him um ngailo ahi ti’ hianla, hinna leh malsâwmna, nu leh pa thumatna ziak ah um chu têl zawta’n.
Simtute zosia lunglai gil luadim zing ah “nu leh pa zâ ngêi ngêi” thei ding in Lalpa Pathian in a Thu ei malsâwm piak ta’hen.
A ziktu: Pu Ginlalthuam
Lalgin In
Mualngat Inpi
Khualzinna Gam