DAMTHEINA HI HAUSAK NA THUGUK AHi:
– KL Muana Vaiphei
Pathian thilsiam lak a lul pen leh a ma kibat pi ah, a siam mihiam te hi dam kumkhua sawt di leh ama lungtup sem dinga ngai i hi ziak un dam sawt di le, a ma dawi lam lam sem ding ah, ei guat chu a hi na ziak chu dam thei ding leh dam kum sawt dinga ama dawi gual bawl dinga guat i hi ziak uh a hi.
Zia ziak a chun nek leh chak pha leh thil pha leh thil thiangtho bawl ding leh sem dinga guat ihiu.Chuti chu a hi zing lai in nek leh dawn kisum zolo in thil thianglo i nek phat uale, damlona leh hiselna lo na ih hun nei sek ui. Zia hi Pathian dawilam a hi puan thi hunlo in i thi sek uh a hi.
Mihiam te hi i hung hisel a hi chun thilpha tamtak a ki sem dawk sek hi, a hinla i hun dam theilo hung ah chu khawvel Doctor ki etsak a ngai in,test zat chuam le Investigation medical prescription ziak in damdawi tam pi a tha a kum in i nek leh dawn a ngai hi, sum tampi sen angai ah, taksa hatlona hin sum leh pai tampi senna a tam in mihing a dinga puakgik a lian mama hi. Akhen khat te a dinga thina,lungngaina leh puak gik kiguan na a hin, siamtu lung lam hawl sang in mimal buai nan ei chum a thil pha him him ngaitua na a um thei ta puan thilpha lo lungthim gel na’n in ei tak buai ta a hi.
Thilpha bawl thil hawi i bawl chun hinkhua Alim in i dam theinau a ki belap in, kipak na le a sang a hi, Pathian le a ki pak hi. Zia gual mi te chu Leisiat in le ahausau ah,a ki pak un,siamtu le aki
Pak in, sum leh pai le kining ting tak in a nei un Lalpa’n le amalzawl sek a hi.
Khaile,ei le nek lek chak ah ki sum in, Lalpa na sem zing hi tiu, leilam malzawl na dawng tute chu thinung in le chawihawina chang ngei di a hiu. Kuale ,mihiam dan leh Pathian dan zuitu te chu chungnung Pen a chawihawi a um di a hiu.