Aziktu:
Pu Ginlalthuam Vaiphei
āLALGIN INNā
Mualngat Innpi
Khualzinna Gam
(LALPA A AHI)
PO/PS. Moirang-795133.
ā ļøā ļøā ļøššš
Khawvel hin phatlam sangin siatlam manawh zing ahi lai in igamsung ah KANI/POPPY, malzing tun ah a hung tung mai hih chuh awā¦..vangkhuazawl lungkham kih belapna khat ahung hitah mai hi.
Kani/ poppy aching, anek, achep leh azawk ziakun China te hih khawvel ah super power chawi ding hinapin, kani ziakin super power chawi zotalo in USA ten a la chupiak/ lak piak
tau ahi.
Chuleh China gam hih kani/poppy hung kipatna(Epi-centre) ti ahle hiat ahi kit hi. Chun a gam uh hin kani gaal( Poppy war) 1839 leh 1860 kum in kani gaal ala sat maleu aphachuam talo ahi. Chutichun amau gamsung bep hilo, a kigamgitpiu Arunachal Pradesh tiangin zia khamthei kani hih ala tung in, Singpo kiti nam hin, vangsiat um takin ala bawl khak tak ziakun,mihing ala kiamtha(population decreased) hial mai uh ahi.
Chun ei Manipur, Ukhrul District apat,Tangkhul upakhat inle kani hachin in aching ah achapa IAS hisak guan himaleh IPS ahun muna chuh; training hungchai pan in first field posting,chuleh a thalaw( salary) laman lo in Thingnuaimi ten akap lum ta uh ahi. A thini apa thugenā¦..āDiklo tak ah sum muna hih aguitung/azik suak aum ngai puaiā, tin a chapa luangchungin ala gen ahi.
Ziakachun, kani/poppy hih mihingte dingin bawllo hial dih ahi,sum muna hawipen in nei maleu hin uhle vangsiatna eitut thei kani ahi.
Chun kani chin ziakin gamsung ah thing leh guate achai ah guazuk, nisat dante ahung kitheng ah chuleh soil Erosion ahung um a tanggam ah nimchim(landslide/mudslide) tite hih igam in hung umthei ding dinmun ngawn ahung hitai.Tanggam i kinepna pen lauthawng um isuak sak tau hi. Ziate sangah lau thawng umzo chuh mihingte damtheina le nasatak in asuse theina lai ahi, sumhau in damtheina hungbasam taleu hin, bang chuh aphat chuamna um ding ahi tamā¦.!
Sapten HEALTH IS WEALTH atiu hi adik ma ma ahi. Damtheina hih golulpen lak ah khat ahi.Kani bawl hih haisan/tawpsan thei hihenla hitaleh igamsung boruok/ thigua hileh hungthiangtho deu intin, ziakachun lunggel dang tichuh kani chin sangin cash crops dang summu theina ngaitua zawleu hin igam dam zawlo ding ahem?
Diklo taka sumhau sangin, chaga taka um hih mihing lunggel asiampha thei zawi.
Bible in khamna thei bawlte chuh:- 1.Mihiam lunggelna ala mang in,kinak nate chuleh lunhkhamna atun thei hi. 2.Chagatna,gentheina zosia atunthei hi. 3.Lopina sangin niamkiakna ahi zawi. 4.Kiven tup zolona ahi ban in,pil kisa maleu khamna thei ah lawpchuh mingawl ahi. 5.Mi gin umtak aum thei pua,taksa utna belaptu bep ahin, anchuh an in agingthei puau a maleh pung diak puanāau. 6.Lungthim ngawlna leh siatna ahi ban in, taksa chuleh thagau tiang ah manthaina atun thei nalai lai hi.
A hileh, kuate avem dasek ? Kuate avem genthei lungzinna kisun khum sek? Kuate avem aziak azal bei ah beliam pusek ? Ziate hawchuh khamna thei ah chambang sekte chuh ahiu. Zia gual mite chun ahinnau ziangle itchalo in,meithai leh nauchaga lo dinglai meithai,nauchaga in akawi sek uh ahi,ziaziakchun khamnathei te hih nangin gualpha siamna lai lai ding la hem ? A tawple gul gu nei gual in hunchuun tin,taksa chuleh thagau tiang in manthaina hun tut khanāa, ziakachun khamnathei chep,ching,nek leh dawn haisan tai tiu awā¦..a kithaman pua taluai.
I kiang i kawm ah miten, khuahephalo hial in bawl maleu nang leh kei invangā¦.bawldaham hitiu e, khamnathei thil him him hih Pathian hanselaw ahi ziakin atizat um talua ahi.
Awle, atawpna ding in gam lian tak tak nei, khaw Hausa, nautang,ka nam
mipite i gamsung uh hin kani leh khamnathei te hi chin/ bawldaham hitiu awā¦.ei Christian te bawlding ahi him him puai, Pathian lekhabu imu gual un, ichan chiat ua mal-ei-zawl piak ta hen.