CHEMTAT TE PU
-KL Muana Vaiphei
Chemtat te Pu chu luipang suangchung khat in Chem a tat ah, A puanve kitup Lou ziak in, A nuai lam a pat in a zunthak na kipei leklek chu, Kaikuang pan theiga hisak in a Tildang tak a vak dawt piak hi.
Chemtate Pu chu nasa talua in, na asak na chu thuak zo lou in, phuba lak na’n Guava zik chu a ban tan hi. Guava zik chu kipuk in Akpa busia chu a va khenzak khatai.
Akpa chu lungna talua in chopsuk chopto thua in,phulak na’n Niksa bu chu ava thai Zak kit hi.Niksa a bu kithaizak piak chu beidong kisa le lungna talua in phulak na’n Ngalchangpa muchi ava pet kit hi.Ngalchangpa Niksa Pena nasa talua in Anat henem nading le a lungnat etsak na’n Thingkung te philzak in Thingkung kipaitha chun Bak chenna buk chu a khenzak kit hi. Bak Chule beidong le lungna kisa’n Saipi bilhawm sung in a va leng lut kit tai. Saipi chu a bil hawm a Bak cheng chu ningtel in thin daw a gua a ki pei vel vel leh, Meithai nu In chu ava baw chim kha tai.
Meithai nu chu lunna kisa in Saipi sawisak le gawt ding dan chu a hung ngaitua in, a khomi te kajkhawm in Saipi chu man in thudawt na a nei tai.Meithainu Chun Saipi kiang in.
Meithai nu:Bang ziak a ka In lahung phutsiak piak a hi em?
Saipi:Saipi Chun keimaw na bang ma a um puai. Bak kabil hawm ah a hung lenglut ziak a hia ti tai.
Zia phat a Chun Meithai nu Chun a ban aban in Gamsa te chu dawtna a Siam tai.
Meithainu:Bak bang ziak ah saipi bil hawm a leng lut lahi em?
Bak:Hepi keimaw na a um puai Ngalchangpa’n ka In a suk siat ziak a hi, a ti kit hi.
A ban ban in dawnhu na a hun siam ua, Ngalchang pa’n keimaw na a um puai niksa’n eipe ziak a hi,a ti kit ah, Niksa’n le Akpa’n kabu a thai zak ziak a hi a ti kit ah,
Akpa’n Guava zik in kabu a sesiat ziak a hi a ti kit hi. Guava zik in le Chemtat te pu’n eiban tan ziak a hi a ti kit hi.
Zia phat a Chun mizosia’n Chemtat te Pu chu a hung ngo bawl phat un Aman le a hung dawnhu ah. “Kuan thuak zo ding a hem Kaikuang pan ka tildang eidawt piak a hi” a ti tai’.
Zia phat a Chun khomipi te Chu kikhawm khawm in, Meithai nu vaihawm na nuai in Kaikuang Pu chung chang thu a hung Gen tau.
Kaikuang pa’n ama chung chang thu Gen ding a hiu, Ahung hiat phat in ama le ava pang tai, Kaikuang pa chun a gen ah: “Nisa nuai a kei leiphou uh chun, Kati hi hungsan inti’n hoi dei dei ding kahi, a hin tuili thuk a hin hung pai lut leu chun Kati hung kisang in mual deu deu inka tin, Kathi vak laut uh a hile chu Tuili lai in eipai leu chun thipai ding kahi” a ti tai.
Mipi hung khawm te Chun le pha Asa mama Mai ua Kaikuang pa ti gual a Chun kibawl le Hoi pen ding a hi ti in thupuk na a Siam tau ah, a thangkam a Chun a awk vek tau.
Zia phat a Chun Kaikuang pa chun “Kapil mama hi ti in a kiko ah!” tuinuai lam in a tum mang veng veng tai.
Zia ziak a hin, tuni tiang in paukik na’n, Kaikuang me Huan a hi phat le a zia kitheng in khutkawl kawm ah kun in a diklo na selgul kiphawl dawk ngaidam na a etsak hi.
