BIBLE HI KOCHUAM TE ZILTILTU DING LEH PATHIAN BIAKNA DIK HETNA DING IN A BUKIM HI
Kanam Vaiphei
BIBLE HI KOCHUAM TE ZILTILTU DING LEH PATHIAN BIAKNA DIK HETNA DING IN A BUKIM HI
By:GL Muana Neitham
Kochuam khanto thei lo ziak chu kochuam dik tak ahilo ziak uh ahi
Khawvel thil a khantona tawh Pathian lam a khangtona akibang puai…..
Kochuam kituak mama leh hausa mama tekhu Khrista kochuam hi khello ding ahiu hi Khrista kochuam diktak te chu leilam hausatna, khantona leh kituakna sang in Vanthil a,Pathian thu leh Bible zilsakna dik in akituak zawh un ahi
Kochuam kiti khenkhat techun kua ading ah kochuam, kua apat ko daw ahiu le a helo uh ahi. Kochuam hi pawl min, kipawl khawmna khat gual a ngaitua in, nang uh kochuam kei uh kochuam tisek sek atam un ahi
Kochuam phut dawk tu leh a neitu chu KHRISTA Jesu ahi. Khrista in zia khawvel thim a apat, a kodaw, a hukdam chate, khawvel thim lal setan dan leh dawigual a hing talo leh KHAWSA TALO ding in, KHRISTA ading zawk ah hing tading leh vák tading in, Khrista chun ama ading ah a kochuamte, atat dawkte chu KOCHUAM dik tak, setan kochuam hilo in KHRISTA LAL JESU KOCHUAM CHU AHI
Bible Zilsakna, Pathian thu pawm a zuite chu,Pathian chate, ama ding ah a Kochuam, KHRISTA chenna temple, Thagau a Piangthak te chu ahiu hi Ki pawl khawmna min chuam chuam in um maleu KHRISTA a chun; Thagaulam in Pumkhat, KOCHUAM khat ahiu hi.
Krista Jesu neite,hukdam chate chun khantona diktak chu ahechian tau in ahi. Building thupi leh music leh sound system ahem, mipi tam leh tawm ziak in KHRISTA kochuam te chu abuai puai hi. A buaina pen uh, bangkim a tup leh ngim pen uh chu Pathian ahitai…Pathian chu a GOAL uh ahin, zia a Pathian uh dawilam leh ama lopina nading in, a leisiat hinkhua uh Pathian zilsakna bukim Bible tawh kituak in amang to zel tau in ahi
Tichun Pathian kochuam te chun a ngai paw pen uh chu ahileh Pathian lunglam leh Pathian dan tawh kituak in, a Pathian uh chu a bia un, adan azui tau ahi. Zia Pathian biakna leh dan bukim chu Bible a um ahi. Pathian thumatna dik, Pathian dan bukim, Pathian biak dan dik chu BIBLE, Pathian kilakna bukim a chun a um hi
Bangkim a Pathian kochuam te ding in ki etkawlna ding leh khantona ding, ki ziktilna ding in leh Pathian lopina ding in PATHIAN THU, Pathian BIBLE bep chu chu sim im, asun azan in Pathian thuthung techu a ngaitua sek un ahi. Khantona dik leh diklo ahethiam tau in, Pathian biakna dik chu a hetau in ahi. Pathian biakna diklo Missionary tam tak sawl in umzia anei puai, Pathian biakna dik leh athu zawm silo a, Biakinn lianpitak tak nei a,budget tam pipi bawl leh hausatna in Pathian mu in umzia bei mai mai ahi
Khrista thu chu tam tak in nangmau ah umsak un, pilna chitin ah kizilsak leh, kihiltua ah um in, kipakna lungthim tawh Pathian kiang in, pâkna La te, Pathian La te, thagau lam La te sa in;
KOLOSSA 3:16
Kei uh chu Pathian naseppi, a suakte ka hiu in, nang uh chu Pathian louma leh Pathian In chu la hiu hi
1 KORINTH 3:9
Ahi’n, tu’hin malzin leh gam chuam mi la hita puau a, mithiangthote tawh tual khat ah leng khawm, Pathian Inkuante la hitau hi; Khrista Jesu ngei chu a kil ah suang poimaw pen ahi’n, sawlchâkte leh jawlneite suangphûm chung ah sak la hiu hi.
EPHESA 2:19-20
Taksa pakhat ah hin bâk chuam chuam a um ah, zia a bâkte nasep chu a kibat lo chiat gual in, zia gual ah chun eihaw hile Khrista ah taksa pumkhat ah um in, I chang chiat un, bâkte lak ah pang I hi chiat ui
ROMTE 12:4-5
Ahi’n, a hun tung ding ahi tai, tu’hin le a tung ma ahi tai, zia hun tak chuleh Pathian be tak takte chun, Pa chu Thagau leh thutak in ho ding a hiu; Pa’n zia tawhbang mi chu ama ho dingin a hawl hi. Pathian chu Thagau ahi’n, ama ho dingte chun, thagau leh thutak in a ho diu ahi,” a tia
JOHAN 4:23-24
Pathian Lekha thu zosia hi Pathian hat khum ah kizik ahi’n, thuhilna, zilgaina, bawl phatna ding leh dikna lam kizilna dingin a phachuam hi; Pathian mite zosia chu thiam tak, nasep pha chitin sêm ding ah kithuam bukimsa a hitheina ding un
2 TIMOTHI 3:16-17
Zia Pathian chu khawvel Siampa leh a sung ah um zosia Siampa, lei leh van Lalpa, tempul khut ah kisate ah hin a chêng pua’n
NASEPTE 17:24
