AN NEKKUAN KAMTUINA HI I KHANMAWBAWK UH AHI:-
-By: VLK Vaiphei
Ka neulai in kapa hi Sikul Pu a hi a seppite tawh kalvan le an nekkhawmna a nei sek ui. Keile naupangcha kahi nalai a kapa kava juisekah an ka va nesek a hi. Ziana ka mudawk khat a hileh an nekkuan le ankamtuina dingin zu peg khat peg ni a dawnsek uh a hi. Zia Sikulpu kagente hi Eimi leh Meitei te a hiu. Houtute a pat lekha tampi zildawk maleng ankamtuina hi bang a hem kahiat masakna khat le a hi.
Hun hung chiajelin Zillai
( Student) loiupa kiti khenkhat ka hung mukit a, zia loiupa te hi a fel ma ma ziang ui khawtang thubuai, buaina dang dang haw kituptakin a suveng sek uh a hi. A hi function le meeting a um phatle an nekkhawmna a neisek ua, hotheilo khawp in loiupa bangzat a hem zukham sava in a pek ziang sek uh ahi. Thilpha, napha, felna leh tawmngaina tamtak a sepzing lai ua loiupa hinna umchan hoilotak nunmutu khat a hung hiu.
Kouchuam leh thagaulam a kinamat le mi mellhiat taksa le thagau ah suan um ma ma le kilawm group khat aum kit ah. Khawtang nu le pa mitmu a le fel ma ma te a hiu, a hi
a lemchang aum le zu/ wine branded deu peg khat peg ni vak dawn chu sakhua tawh kikalna um in angai puau. Mi mu inle a khamsia ngaipuau a gensiatnading tamlou maleh khawlai khangthak a guk a entawnte a dingah thil da umtak a hi sek hi. A damsung uh a mupha thei talou uh a hi. A ngaisannau chu thutaklo na a hung chang sek hi
Nungak/Tangval lai zu/ Beer vak tep zawt or wine vak dawn zawt te hin zu tuina or a kick a la tep kha te kha etlana beitheilo in kisumzoulo ah numei hileu le lemchang a um le dawn ziang ahilo le pawsal tawh umkhawmlo lemchang sa loi le pai tawh tep zeu zeu a tam ta ahi. Banggual tukin kisel ziang leule hiatdawlo aum puai. A zu lakna teu, a dawnkhawmpi teu a hiloleh loi le pai a pat hung pawt tho a hi. Insungah nupi a guk a thil a bol phatle kulpi bang chimtha tabang a hi tai zia insung a dingin.
Zia a chunga kigen te hi i khawtang khanmawbawk khat a hi ziakah example kizik a hi. Thil neucha an nekdikuan an kamtuina ding a hem, zu branded le hoideu etlana, nungak/tangval lai apat a guk a thilchin haisanlo ti haw hi gam liantak a kangsia ta a hi. Taksa leh thagau mawpuakna kouchuam le khawtang kinei a hi ti hemil puai tiu.