ZINGKALPHA GOODMORNING UNAUTE 🤝
NUNGZUITU PHA
By: GL Muana Neitham, MA.MDiv. Th.D(Research scholar)
1 JOHAN 2:5-6
[5] Himaleh, a thu zawm tapo chu, ama ah chun Pathian hepina chu a bukim hi. Zia chun ama ah I um uh chu I hethei ui. [6] Kuale ama ah ka um zing hi ti tapo chu, ama tawidan gual in a tawi ding ahi
John 2:5-6
[5] but whoever follows His word, in him the love of God has truly been perfected. By this we know that we are in Him: [6] the one who says that he remains in Him ought, himself also, to walk just as He walked
Khristian hingal hinla Pathian thupiak eite ading ah ei zilsaknate haw hi limsaklo leh hephaloin aki um gamta sek hi Taksa thilah nek leh chak chuleh i poimaw teu neina dingin na kisem in sum i hawl sek ui. Zia i sepman uh sum chun nisin i mamaw teu i chaw sek un, an bu leh me te ne in dam leh hisel takin i umsek ui. Ziagual machun Khristian te ading achun JESU nungzuina, Pathian chate hina hettheina poimaw pen chu ATHU a um zingna hi ahi. Pathian thumatna lo chun Khristiannan umzia a neipua ngalah maw?
Pathian Thu a umzing ti umzia chu Pathian nai zing a AMA thu awi zing tina ahi.
Eite adingah ei zilsakna, lampi pha leh dik ei kawk mutu, bangkim zosia sangah i poimaw pen uh anpha pen, vangam lampi i zawt zing nauah damlai i khualzinnau ah i khawnval ding uh, Pathian dawilgual Suak pha leh ginum i hithei nading ua poimaw pen chu PATHIAN THU AWINA hi ahi. Eima phasak dan, ei mani taksa lunggel leh dawigual takah khawsak utna te hin Pathian hepina apat ei gamlat sak sek hi. Khrista Jesu gualah hing dingte chu Khristiante ihiu hi. Bangkim a Pathian Thumatna[obedience] nuaiah i um masiau chu Pathian dawigual leh ama pomtak Khristian hingai ngailo ding ihiu hi Ei mau lunggel leh dawidan takah siamkom Khristianna hi Khawkhak neu hinna lampi eizawt saklo ahi. Hinna lampi, vangam i zawt zing nau lampi hi adikna diam ti ki enthak kit vek hitiu aw. Khristianna leh Khristian kalchawina(Journey)hi lampi haksa leh chíp hizing ding ahi. Khawvel thilte leh khawvel chawndan tawh kituak ngai ngailo ding ahi tihian kisuhat tua zel hitiu.Khristian ginna leh Jesu nungzuina him him vang khawvel tawh kitual mamalo ahi(counter- culture)
Nungzui masate, Khrista ading a mihangsan lampi dik(The way) zuite kha vak geeldawk thak kitzel leuhin pha ding ahi. Amau zui JESU tawh Rome vaihawmna khawvel chiadan leh Judate sakhuana aki millo dan khan Nungzuitu hina, Pathian Thu awi dingte ibawn in zillai phatak ei pia ahi!
I taksau nawpnate zosiau i tha zinguh a ngai hi. Khrista Nungzuina ziakin mani taksa lam(flesh) lungngulnate that zo ding in Pathian panpina dawn zing hitiu. Lawkna pha leh dik, Pathian thu awina lam pan theita dingin Lalpa‘n i bawn chau in ei Panpi chiat tahen aw AMEN
PHILIPPI 3:17-21
[17] Suapite haw, keima ei enton chiat un, kei uh etton ah ei nei taphot chule pha tak in tepte’ un. [18] Mi tam tak in Khrista kros chu kãl in hinkhua a mang un; a chanchin uh ka hung hilsek kha, tu’hin le mitthi pawt kawm in ka hun hil kit la hiu. [19] Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui. [20] Himaleh, eihaw I khawsaknau chu van ahi; zia ah kipat chun Lalpa Jesu Khrista, Hukdampa chu I ngak ui. [21] Ama chun bangkim a thunuai ah a umsak thei ziakin, I taksau musit um tak hile ama taksa lopi gual hiding in hun siam danglam in a
Bible sim ding
Rom 12:2
1John 2:15-17
John 15:9
2 Thes 2:15,3:6
Colas 2:8
Mat 7:13-14
Acts 9:2,19:9
Heb 10:23
Mat 25:21
Gal 5:17,21
Psalm 1:2
Rom 8:9
