GITLONA PUK
ROMTE 5:12
Chutichun, mi pakhat ziakin gitlona khawvel hin a lut ta’n, gitlona ziakin thina a lut in; zia gual ma chun mi zosia migilo I hi tâk ziak un thina’n mi zosia a zen suak tai
GITLONA PUK tihi hetzing leh gingchak ding Bible zilsakna poimaw tak, KHRISTIAN THUGIN khat ahi. Gitlona(sin) neilo mihing masapen Adam leh Eve kha Eden huan in Pathian thu awilo in, Setan thepna in ala puk tau ahi. Pathian tawh kizawpna apat apuk siatnau chu ahi. Pathian in Thi leh muat theilo ding a siam chuleh gitlona neilo a siam Adam leh Eve chu a gitlo(sinned) ua pat chun thagaulam in athi ngal un ahi. Chuleh ataksau le thithei ta in, thina lampi ahung haw pan ngal tau in ahi. Puksiatna(Fallen/historic fall) hi a um ngei ngei, athu mai mai a kizik ahipuai tihi hetzing ding ahi. Adam leh Evi, Eden Huan chuleh themtu gul(serpent) le atak ngei a um ahi ti hetzing ding ahi. Genesis bu a kizik zosia khu atak ngei ahi ti gingchak a ngai hi. Mihing masapen Adam leh Eve ngei khale Thepnan ala puk ngei ui tihi het bep hiloin, gingchak(beleive) ding a poimaw mama ahi. Bang ziakin em iti chun ginnna kibulphuna masa poimaw pen ahi ziakin. Atak ngei a um(literal) ahi ti I hetchian leh i gingchak a poimaw hi. Khutilochun Khrista Jesu, Kraws leh thawkitna(resurrection) haw hile atak ngei[real] ahina gingchaklo bailam tak ahi.
Mihiamte ihung kipatnau bulpi Adam leh Evi ahiu in, amau teni khan Pathian thu a awilo ziakun Setan matchak Gul thepna’n ala puk tau hi. Zia ni apat khan tutiang ahin Adam suante zosia chu kuama khenchuam umloin gitlona pianpi ihi tau hi .Leisiat mihiamte zosia chu Pathian lungnatna hansia law vek ihi tau hi. THIANGTHO PATHIAN tawh kizawpna chu atan ta ahi!
ROMTE bung 5na tawh 1 KORINTH bung 15na Bible ei zilsakna(theology/teaching) khu poimaw tak, I pel theilo uh ahi.Vak sim in aw.
ROMTE 5:12na chun tihin imu ahi:
Chutichun, mi pakhat ziakin gitlona khawvel hin a lut ta’n, gitlona ziakin thina a lut in; zia gual ma chun mi zosia migilo I hi tâk ziak un thina’n mi zosia a zen suak tai
Tulai dawtna umthei leh kilom mama khat chu “Adam leh Eve’n anek uh theiga kha kane puau in, bangziaka amau gitlona chuh kei/keu chung a tung thei ahem?*
Mihiamte zosia suantupa chu Adam ahi. Bangkim a Adam apat, ama suante ihiu tau hi(federal head)
Gitlona hi abul tilin neucha(localised) gualin kilang maleh mitam tak leh suan tamtak azen zuak thei hi. Leng David tawh Bathsheba tatsual ziak khan Bathsheba pawsal Uriah, Bethsheda vawplai nausen, David hinkhua, David inkuan, Israel gam leh Israel melmate zosia le aphalo lam in azel suak khala maw? 2Samuel 12 na khan agen hi. Khat gitlona ziakin mitampitak asuk khak gualin in, Adam gitlona ziakin le ama suan leisiat mihiamte zosia ei sukha vek ta ahi. Gitlona neisa in Nu sung apatin mihingte i hung piang dawk tau ahi. Adam leh Evi in anek uh Theiga kha va ne khello leuhin le amau gitlona gui khan asuante zosia ei zel suakta ahi.
ROMTE 5:12-21 khan Adam gitlona ziakin mizosia asuk khak dan kichian takin agen ahi.
Kei ka gilo puai, kei ka phai tithei ding kuama I umlo uh ahi. Romte 3:23 tihin agen hi;
Mi zosia’n thil a hikhial zaw tak ziak un, Pathian lopina a chang zo talo uh ahi
Bible in Mizosia atina lakah hin leisiat mihiamte nang leh kei le I pangkha vek uh ahi. Gitlona kanei puai ti thei ding kuama umlo ihiu hi.
1JOHAN 1:8
Gitlona ka nei puai ti taleu hin, eima leh eima kithêm I hi’n, thutak chu eimau ah a um puai
Taksa achun mihiam hinna nei, ahing(physically alive)in I piang vek un hinla thagaulam in vang athi ihiu hi. Bible in gitlo vek ihitau hi ati chun en bangma dang genbe leh genthei ding i neilo ahi.
Zia chu ahi I dinmun uh, I Pau uh, ibul kipatnau Adam sual/gitlona apuk ziakin in nang leh kei le GITLONA PUKSA HUNG PIANG DAWK MIHIAM khat hukdam ngai, Pathian apat puktha sa(athi) suk hing kit ngai ngen ihiu hi. Mi gilo-mikhial Pathian tawh kikal siata suk dik kit ngai ngen ihiu hi(To make right with God)
GITLONA PUK TASA NGEN IHIU HI.
Jesun’ Nicodemus kiangah La piangthak(Piang kit) ngei ngei ding ahi (John 3:17)
Taksa khatvei pianna chun gitlona tawh kipiang khom ahin hinla Thagaulam pianna(pianthakna) chun vang mithak (new nature), Pathian gualah kibatna(likeness), diktatna tawh thiangthona(righteousness and Holiness) ei pia(nei) ding ihiu hi.
EPHESA 4:23-24
[23]la lunggil thagau uh chun hin thak ah hung um in, [24] mihing thak, diktatna leh thianthona Pathian kibatpi ah siam ah chun kivan tau in
Adam leh Evi Eden huan a gitlona apuk niu apat khan Pathian in a hepi mama ziakkin amau leh asuanteu, nang leh kei ading in hukdamna lampi kawt khak(plan of salvation) ei hawnsak ngal ahi. Zia chu hepina Chanchinpha, Good news kiti chu ahi.
Pathian in gitlona puk tasa te ei hepi mama ahi. Pathian ma thiam I chang theina kitna ding un a chapa Jesu gitlona apat ei tandawk dingin ahung sawl ahi.
JESU KHRSITA lunggil takah ging tapo chu hukdam, kumtuang hinna piak hitin uh,Pathian cha hitan au. (Nasep 16:31,Rom 10:9-10 John 3:16
JOHAN 1:12-13
[12] Himaleh, ama a la lop ah, a min gingte chu Pathian chate hitheina a piai. [13] Ziate chu thisan a hin ahi puau in, taksa dawi gual ah hinle ahi diak puau in, mihing dawi dan ah hinle ahi diak puau a, Pathian hin ahi zawu hi
Nang dinmun bang gual ahem?
Hukdam ngai, piangthak nailo lahem?
Pathian tawh ikal uh adikna em?
I DINMUN UH,I THAGAU LAM DINMUN UH KI ENTHAK KIT HITIU AW
HUN KIKHEL THEI AHI
SIMTUTE ZOSIA LALPA PATHIAN IN ATHU, AMA LOPINA DINGIN EI MALZAWL PIAK CHIAT TAHEN AMEN
