24th Sept 2024 | Kanam Vaiphei
RAISE chungchang:
Raise (Responsible Action for Inclusive & Sustainable Education)hi Zillai (Vaiphei Students Asiociation)te’n a phu daw uh ahi.Zia project hin simlaichapang tam tak sikul/college fee pia zou lo tam tak um,buaina jiak a lusunna tuakte panpi ding ti ah tup pen ahi.
Manipur buainalehZillai
Government data dungjuiin,District 5 te-Imphal West,ImphalEast,Bishnupur,Kangpokpi leh Churachandpur apat zillai mi 14545 vel chu nasatak ah haksatna tuak in Relief camp ah um ahi dan uh aki gen hi.Ziatelak achun, mi 3000 vel chu naupang kum 5 nuai hi in,zillai member le 1500 vel ahidan agen bawk ah,I gam buaina hin zillai chapang tam tak hinkhua a suksiat bana igamsung literacy rate tiangsukha ding ahi dan a taklang bawk hi.
RAISE-Kinepnathak:
Zia project hin I gal jiak ua, haksatna ala tuakte chu ala ki thuapi zing ahi dan ZILLAI thusua in a taklang hi.Chuleh,Meitei gal jiak ah lusunna ala tuak insung mi 25 inn le lo neilo ah ala um mi 100 val, buaina mun ah um sikul panite-Mt.Olive school(Maichammun) leh Unity School, Chawngkhawzo te chu support ding ahi dan le Zillai thusua in akitaklang ahi.
RAISE Support hitiu:
Meitei gal jiak a haksatna tam tak ala tuak ah inn le lo suk mang thaipiak ah ala um, I suapiteu hi I thei dan dan ah panpiin,sikul inte leh thiam zilnate bawl in, Igamsung ah khangto zeltheina ding leh ma sawn zeltheina din,zia RAISE Project hi Iki phal dan dan ah thaw khawm in support ding in ikichial ahi.
ZILLAI DAMSAWT HEN!!
