MUDA CHUAM NEI TE HI MIMAL PUAKGIK KI GUAN MAI AHIU
~ K.L.Muana Vaiphei
Khawvel a I mihing pite hi kihepi tua chiat ding a guat chu ihiu ah, himahleh bang ahem ti jiak a ngaidan kituak lo jiak a ki muda leh kituak lo le a um thei hi. midang I mu da ten te’n la bangma hephalo en la amau chu mawk muda jiang khak hi, ei a guktak a gim a gim thei dan ala hi .
Mihiam te dawi dan ,mudan leh pawmdam dan ki bang kim lo chu aum thei him ahi.I bang bawlsia leh zakda di bawl le hi mang lou le hi thei a,dawidan ankibat lo jiaka mawk muda le um thei ala hi lai jang hi.
Ahinla,mihiam te hi itun na di leh isep diu ki bang chiat hi ngal,kituak lo chang a um hun inle i kihiatmil sak chang leh ki ngaidam thei chang kinei thei sek le chu mi vangpha leh mi nuam sa pen chu ki hi mai di ahia, amabo, tisa mihing a ding in. vang a haksat hun aum thei lele. NGAIDAM hun ki nei thei le ka ti chang a um sek hi
Ziaziak achun i muda ten le ei muda khel lo mai thei ahinla en ki muda tun tun jiang hi ei a um gitlona pa jiak ahi ti hechian le hin mi ngaidam hi thil bailam tak di ahi.muda jing gaw talo in ngainat bawl jaw mai le hin mi vangpha leh lawting ki hi jawn tin chuleh amau le kihiatdawna leh kisikna hun hi jaw mai thei ahi ban in, mipil miching ki hi mai lo di ahem ka ti chang aum hi.
I Bible achun mi josia aki bang a eisiam ahia chuleh kingaina chiat dinga thupiak ihi jiak un mi muda chuam um lo in kingaina leh kihepi chiat leu hing mi vangpha leh Pathian thuzawm ihi na ah, leilam malzawlna le dawng jaw lou di ihiu em? ka ti ngawi ngawi sek hi.
