*THIL THAWN PIAK ASAN DAN THIAM NGAI DI AHI
K L Muana Vaiphei
Pathian in a mihiam siam thei thil thawn piak khawvel a thil um zosia enkawl ding leh cheng ding in thuneina ala piai. Himaleh, thuneina a piak khel leh val ah nunse tak a hinkhua amat bep uh hilo in, bawllo ding a thuching kem ding leh thilsiamte duat leh enkawl ding ah ngansiana a piai. Hitalehle, thuching ipguk di a ip guk zawlo ziak in gul ( setan) thep zaw in ahun um ta ahi. Pathian in ngaina ma ma lele a lo theilo in Adam leh Eve chu Eden huan a pat in a nawdawk a, suan leh pak neina ding in thisan sua ah cha leh nau nei a hung hita. Zia bep chu hilo in khawsa- ul pawt a sep leh bawl ah nek leh chak hawl a hung ngai ta, haksatna namenlo tawh hinkhua a hung mang pan tau ahi kha!
Thil thawn piak chingtuplo ziak in, liangvai haksatna, thina leh lungngaina’n mihiam te’n hinkhua I mat zinglai un Pathian hepina chullo chu a chapa nei sun chu mihiamte leh Khawvel puk ta nung chu cross ngei in a hun tandawk kit tai. Tuhi chu cha sak kit I hi tau a, leithak leh van thak in I hun khawsa tau a, nuam I sau a, I zalen ma ma tau a, Pathian hepina leh kumtuang lemguat hemil phial in I khawsa thim kit tau ahi. Zia thuthung thak zalenna leh zangaina zal ah mawpuakna I nei teu hi I chingtuplo chun tawpni umlo ah lungngai, thila thilo, hingla hinglo ah hinkhua mang kit thei di dinmun in I um kit tau hi. Zia hi hepina dawngkawt hawn ahi sung ahin hedawk thak in Ama lungtup hawl dawk thak a, a thu piak zui ding, kitil hat tua hitiu in, chuti ahi chun I damlai khawvel hun um nalai sun hi mang dik theilo di I hiu hi.
Zia achung a Pathian thung leh nasep te leh mihiam te thil tuak te chawmcha I vak taklang ta, thugin chu I Bible tawh kithuaivuat ah Manipur a Vaiphei te political leh sakhua tuni tiang I tuakte tamlo chan I vak taklang nuam ahi. Amasapen in, Manipur in 1948 kum in Teritorial Council I hung nei ua khan Vaiphei nam hi mi tawmcha I hiu a, mipite leh Pathian lemguat thiamna ziak in Dr Damzakhai TC member in ahung kilang kai ham a chun, Pu Pauneikhai Saikot Constituency MLA in 1965 vel in ahung kai a tichun, Manipur in state piting a mu nung kum tam tak MP, MLA, MDC neilo nung un Pu T. Manga Vaiphei 1998 kum ah Henglep A/C a MLA term thum leh kim I hung nei ui. Chuleh, Pu Thangsuo Baite, MLA Singngat A/C ah dawi havaning kal in ahung kai ah. Zia bep chu hilo in, Manipur pumpi a ding ah Outer MP ahung kai kit nalai hi. I population, I thiamnau leh I titnau et in a kawi zaw di nam chu ki hilo hial ahi. Himaleh, nam lian zaw te leh pathian dawisakna ziak in mipi palai ding in I phulo sau sau ah I la kai uh ahi. Ziana chung ahin mipi leh Pathian chung ah kipak thu I gen diu hi tam ma ma in ka hia ahi.
Achung ah malzawlna I dawn teu kipak thu gen kawm in, tu ah a hungtung ziang ding ah mipi dawisak chang khawmlo te himaleu hin le Churachandpur A/C ah MLA ding di kisa I hina hin lungchim tak, kukaltak, nam tam zawte lungput lak thiam leh nam neu zaw te huai thei ah I um uh chun lawting thei I hiu. Nam lian zawte a diak ah unau Paite lungput hi piting tak ahiu a, chuleh nam neu dangte le zia gual bawk chu ahi. Chuti ahitak leh, I candidate pu in mi zosia hi ka suapi kanampi ti’n a huai zo in, lemna leh muanna tawh khantona ei pui tak tak zo na diam tite hi khenkhat ngaidan a um hi. Ahinla, society umzia dungzui ah be leh phung ah mudan kikimlo hung um maleh, huaplian tak ah leadership I chiapiu chun lawting intin, zia apat chun gam leh nam a di’n masawnna tam tak hung um ding ah kineppi um tak I hiu.
Zia gual bawk a chun Singngat, Thanlon leh Henglep Constituency ngei ah le mipi leh Pathian tawh I pankhawp chun gualzawna chang thei I hiu. A bang chu hitaleh, unau LAIGUI khat vek I hiu a, kikhenthei kua ma I um puau a, gam leh nam ngaina ah thi chanpha ah ding ngam leh sem ngamte chun lawtinna chu chang ngei intin uh, I gam leh nam in le lawtinna masawnna hung tung ngei di ahi. Gam leh nam lawtinna ding …… Read more at post link
https://www.getinlamka.com/thil-thawn-piak-asan-dan-thiam-ngai-di-ahi.
