😷 HIIPI(COVID-19) KHATNA SANGIN NINA(2ND WAVE) HUAISE ZAW😭
Mi hingte bang gual ah ikhawsak ding uh ahi tam ?
Bible changtel: 2 Khangthu 7: 13,14.
Aziktu: Pu Ginlalthuam
Lalgin Inn
Mualngat Innpi
Khualzinna Gam
😭😷😭😷
Simtute zosia taksa leh thagau ah damna chibai..🤝
Khawvel ah it umpen leh apawimaw pen chulah mihingte HINNA ahih ngal in, i lunggel uhleh i nasepteu hih HINNA tawh kizawplo him him aum puai.
Ningkum 2020 march 25 ni apat mihiamte hindan( under threat) tizat um tak, hinna ki hukhinna dingin KIKULKHUP kum khat val ving veng hun haksa tak, ilah mat tumtak nung un, i gam (khawvel) ahin abei zianghou ahita dia aw itih lai un, a huaise zaw hiipi apanina (Covid-19 2nd new wave strain) hiat manlo kalin igam leilung ahung zensuak kik takmai hichuh aw…….A khawk hih tilo ngal gending aum puai maw..!
Tuni chan ah ei India gamsung ah thi leh mang mihiam 16,2,63,695 val atingtoh ta, achiata kum 16 sungah Natural Desaster ziak ah thi leh mang sangin le atam zawta ahi.
Tulai tak ah a khawk siatna state te chuh Mumbai leh Delhi ahin state dang te le ani ni’n punlam ngawn manawh ahi zing ta ahi.
Medical Oxygen taksap ziakin i gam(India)lungkham, beidawnna’n a chuptha ziangta ahi.
Ei Manipur ziang ahle tuni chun mihiam 141 vel ding positive matdawh ahi kik ngen ahi, chuleh athi mi 5 ahi ban in ani ni hin apung deu2 mai ta ahi. Chuleh ei Ccpur District Hospital, Covid Isolation ward le thak pat kit dingin thu aum ta ahi.
Manipur ah athi zat mihiam 385 vallam ating tou maita ahi. Mihingte ding ah kivenna pha pen ding chuh…. kisik ah Pathian bel ah chuleh SOP phatak ah zui hih himailo ding ahem?
Awle, tuni i gennawp pen ahileh Hiipi(Covid-19) a khatna sangin ani na, huaise zaw ahung bang ziangta; khawvel ah mihiamte gitlona apung deu deu ah chuleh asang deu deu takziak in Pathian lungnatna Hiipi khat hile ahita dia aw…..tibang, gello theilo (lungzin, genthei, lungkhamna) chuh ahi tai.
Lal Solomon kiangah Pathian thugen….. “Van ka hun khakbit ah gawtui ahung umlo hun ahem, agam nezo ding ah khaubepite thu ka hun piak ahem, ka mipite lak ah hiipi ka hun lensak phat leh, ka minpu ka mipite ahung kingaitawm ua, ahung pauchap ua, ka mel ahun hawl ua, anunsiatnau lampi ahun kiheisan phat ua leh, van ah kipat hun ngaithàng katin, a gitlonau ngaidam in, a gam uh hidam kik ding ka hi”. 2 Khangthu 7: 13,14.
Pathian in zia thu hih tuhun ah a dawisak, achate ziltilna dingah a thu amat nawp ahi khah dia aw …tiin, Khristian chate i hinna pen uh, Bible sim in chuleh Lalpa Pathian kiang ah kisik ah pauchapna tawh kile kik thei chiat leu hin vang…… i gam uh hih hung dam kit nalo ding ahem ?
😭🔥😷
