Nk. TRACY LHINGNEIKIM, PO SBI EXAM LEH ZILLAI SHILLONG TE KI HOLIMNA

Nk. TRACY LHINGNEIKIM, PO SBI EXAM LAWTINNA CHUNG AH ZILLAI SHILONG BLOCK (ZSB) TAWH A HOLIM NA:

1st April 2021 |Kanam Vaiphei

Bio – data:
Min: Nk. Tracy Lhingneikim
Pianni: 06/03/1999
Class X: 70.4%
Class XII:70.2 % (Science)
BA: 66.63 % (Pol. Science)
Address:Demthring, Shillong
Permanent Address: Gouchinkhup Veng, New Lamka.
Sepna ding mun: State Bank of India,Manipur University, Canchipur,.

ZSB: Amasan SBI PO 2020-21 recruitment ah lahung lawtinna chung in ZSB in ahung kipakpi tak zet hi.
Tracy: Keile ka kipak ma ma hi.

ZSB: La chanchin chawmkim lahung gen thei diam?
Tracy: I, amasan ZSB vaipawtu te’nzia gual ah lahung kalsuan na chung un kakipak mama hi.Ka min Tracy Lhingneikim ahi,ka Pa min chu Upa Benjamin Vaiphei, ka nu ahileh Pi Tinvak, unau pathum kahiu, kei a milai kahi.High School leh Higher Secondary chu St. Paul Institute, Churachandpurin ka la sim hi. Graduation chu Women’s College, Shillong ah Pol Science(Honours) in kazo hi.

ZSB: Bang tik ah Shillong hung um pan lahi em?
Tracy: Kum 2016 ahDegreesimding in kahung hi.

ZSB: SBI PO exam na ding ahin banggual in la kisingsa em?
Tracy: Competitive exam ka hung lut ding ahin Accelerate Coaching Centre in foundation course leh Advance course lakhawm in tia khan bul kala pan hi. Ka kipat til lai khan ka basics a weak ziak in basics ka focus phot ah, zaw a chun chapters ka doi te kha ka ki selecthi, a ziakchu hardwork poimaw gualin smartwork le a poimaw mama hi. Basics ka hung improve phat in adang enlou in ka chapters select te apat khan kaha kizil a, ka hetthiam thei te kha ka strong point in ka siam hi. Tulai lekhasim te hin smart work le a poimaw takzet hi ti hetding a hi.

ZSB: La aim in life hi bang ahi em?
Tracy: Ka aim in life ti ah kala thatnawp/ka la lunglut chu CID/IB lam deu ahi.Ahinla insung haksa akihiziak in graduation kahung bawl akhan mu vak thei thei di lam kha bawl mai di ti in thupukna kasiam a, Pathian lem ei ti pi le hintin coaching ka hung lak pat akhan le bank lam a mawng mawng bawl ding ah kisa le kahidiak pua, ahinlah ka exam masak pen IBPS PO kahung ki prepare akhan a syllabus (esp. Reasoning and Maths) kha thanawp (interest)um kasa, a ziak chu khuat ten angai ah ziakhu nuam kasak phatahBank lam ah chiatheng katai.

ZSB: PO ahin lalung a kim nam?
Tracy: SBI ahinakle zia hi settle di chu ka gua thotai.

ZSB: Exam dang la piak te la hung genthei diam?
Tracy: Graduate ka zaw 2019 akhan IBPS PO kha kala pia, interview in mark 1 in ka la kia, a kumkit in CGL exam Tier1 ah ka mark a hoilo ziak in a ban ka exam tapua, azaw CPO le physical kava chiatapuai. Tukum in SBI PO leh IBPS PO ka pia, tu ah SBI PO hi kahung mui, tu hi IBPS PO result le ngak kahi.

ZSB: How would you like to define your road to success?
Tracy: Road to success ti a chun thil tampi involve intin, ei mimal lam efforts hileh le a amasapen a chu Pathian ahi, I tup pen chu Pathian kiang ah i dawt nakleh a lampipi a um hi.Ka Nu leh ka Pa le ka chawihoi nuam ah, amau hin ei tawsawt (support) hoi mama ziang ua, lekha lam thil(coaching,books etc) ahi phot leh chu sum leh pai haksa ma leh ei ngaitua piak zing uh hi.Chun Teacher te hitaleh lawileh pai in le nasa tak in ei ha kithuapi khawpmai ui. A poimaw pen chu eiman effort i piak kha ahi ka gennawp, aziak chu 2019 ah kahung kipat til in keile bangma helou kahi ahi’nla sepna kha ka doi ten ten tak ziak in ka ngawlpi tawp ah kala sim a ziakhan ei kithuapi nasa pen in kahia.

ZSB: Tu ah Zillai Job Aspirants te leh ahung lut thak te ading ah kham hawl nalam ah strategy/roadmap bang gual in kisingsak hi apha diam ti nang experience apat advise lapia theidiam?
Tracy: Amasapen ah chun career/job search lam ahung hiphat leh ei leh ei kihiatchian poimawi kasa, aziak chu banghem ka thiam na/ ka chau na tileh ka speed hi bangtigual ahi em tihi ahi. Khenkhat a changang a um ah khen khat chanchuam a umah, ziakha a changang te tawh iki te tak ahileh eikha lungkiak na a um nuam sek ah, ziakchun i strong point leh weakpoint kha hechian in, i thiamthei nalam kha mi sangahi chunggchuan na ahiziak in neglect lo in ziakha hoitak a chia thak pi in ziaban ah ah i weakpoint lam inle hun kha i piak jelah ki develop zjl kha pha kasai. Khenkhat in a weak point ua a ha focus ziak un a strong nau kha a ke niam kha sek a, ziakha bawl lo keiding ahi.

ZSB: Coaching lak lam ahin ngaidan kibang lo tampi aum thei ah, nang ngaidan in Coaching lak hi a kul lasa em?Coaching la ding chun basics hiatmasak poimaw lasa em?
Tracy: Class 12 chan science la ka hi vang akhan class ah brilliant mama le akihidiak pua average student akihia math a basics lam a hoi talua pua, chun degree akhan PoliticalScience a hung kilak kit leh tigual khan keile basic helo tawbang ah coaching ah lut kahi. Coaching chu phachuam kasa tho hi aziak chu eima apat i kisingsak hoi nak ahileh phachuam ka sa mama hi. Ahinla coaching bep ah ki depend kha chu hitheipuan ah. Coaching lak a phat chuam na chu Teacher te hi a aware mamau ah adiak a banking lam hi kumcheng in new pattern/question type hi a ki belap zel ah zia kha en in amau in tips and tricks te haw ei hil un formula panglo a bawl dan tite haw ei hilthei ziak un ziakha aphatchuam na khat a hi, ahinlah eima mimal panlak na kha a poimaw pen hi.

ZSB: Nang a dingah subject/section la strong na bang pen bang ahi em?
Tracy: Overall ah ka strong na chu reasoning ahi. Ziakhu ka mu masak in het le kala hekha pua competitive adi kahung kisak a coaching kahung lak a khan reasoning hi kahung bawl uh leh love at first sight tawhbang in ka lung a lut ngal hi. I thuak kiseng ah kikhuat tun tun khan easy lo ma leh interesting kasa kala bawl bawl zing ziak in ka strong point in ahung um dawk ah, Maths chu Bank a ding bik ah chun Percentage, Average leh Ratio and Proportion sia ding inpoimaw a hi. Topic poimaw le ahi, a ziak chu Data Interpretation(DI) ale kimang, chun miscellaneous/single topic a le hung thei ahiziak un a poimawi hi, Time and Work,Profit and Loss hi le kei a ding in chu ka strong point ahi. Ahi’nla Advance Maths(Trigonometry, Geometry etc) lam hivang ka weak mama ka et lele ka hetthiam theilo ziak in exam na le ka attempt ngaipuai.

ZSB: Nikhat hileh dakkal bangzat lekhasim na la mang sek em?
Tracy: Ziahi chui mood/lunglutdan dungzui ahia, coaching kalak lai takah khan chu fulltime ka pesek hi. Zingkal lam le coaching kala, sun ah classroom awng namun in kakhuat sek a, nitaklam ahung hitak leh Advance Course kala kit sek hi, zia gualah chun thaw a kipat imut dikuan chan chu ka simpi ahia ka basic a weak bek ziakin. Ka basic ahung strong deu akhan chu subject wise in ka time ka hung hawm thei pan in tiakhan coaching haw tawh simkhawm akhan dakkal 8 vel chu kasim sek hi.

ZSB: SBI PO interview na neukhat lahung genthei theidiam?
Tracy: Tuchung interview chu ka vang apha Pathian ei lungsiat najal in ka ki prepare a khan topics bangzat hem notes ka siam ah, ahileh interview na ah first question dingin “Tulai tak India Government in Economy khan tou na ding in bang bang a bawl em”? ti ahung dongua. Zia kha ken kahetnalam tak in kaki divert a, zia apat khan question kha keidoilam/keihetnalam in ahung chia thei ah ziakha kavangphat na pen ahi.

ZSB: Coaching centre in interview nading in bangtigual in ahung kithuapi em?
Tracy: Interview kisingsak na dingin ti in Coaching centre in Mock Interview ei nei piu in ziakhan i performance dungzui in i weak nate ei gen in i focus na ding te ei kawkmu hi.

ZSB: I honours subject in competitive exams ki prepare na hi chance kinei chuam deu/ ei don jang khai diam tihi tamtak in a ngaitua nau a le um ding ahia(Etsakna:Banking lam chu Commerce student te ah dingin chance tamdeu/bailam deudiam?) zia chungchang hi bang ngaidan la nei em?
Tracy: Mi khenkhat a ding in chu ti thei mama in au. Ahinla keichung chang ahin chu ahipuai, aziak chu Political Science Honours kahivang in keile Banking lam kahung lut zawi. I gen tak gual in bang Honours la hi ziang le hinle i tupna chu hardwork leh smartwork ah achieve thei ahi.

ZSB: Competitve exam dingah la ki prepare nahin bang hi haksa la sa pen em?
Tracy: Personally, a chun insung haksaakihiziak in a chang leh lungthim gam in discouragement a um sekhi. Chun, lungkiakna ka vak neisek na chu ahileh, mi hin ei taksang mama sek ua ziakhun ale lam tak in pressure ahung pe sek ah, i exam dingtak vel leh zia khun ei nawpsak ngaipua, min a pass dingsa ei koi ziang pressure khu haksa kasai.

ZSB: Zia gual Pressure/haksatna la tuak apat chun tu a Aspirants le a hung um te a ding ah la tackle dan la hung gen thei diam?
Tracy: Pressure/haksatna iti vang in a le lam tak ah i thatbei ni a le ei bawl sak ham ham tu’na hung pangkit ah, a ziak chu lawtinna hi eima a ding bep ei pua i Nam,i Nu leh Pa a ding ah le dawn jangkhai na a hi khel ah eitaksang tu te disappoint ding le ka nuam pua, ziak a chun min ei taksan nate sukpitin nuam in kaha pang ah tiagual a ngaitua na lam a hung kiheithei zawk kha haksatna sang in ei tawsawt tu in ahung pang zaw thei hi.

ZSB: Zillai lam ahin tu exam pe zinglai leh a hung petou zel te a ding in bang tigual in pan kila le (nang la bawl thei khel khel hilo lele) midang sang in a kichungchuang zaw theidiam?
Tracy: Zia hi keile ei sukha mama khat ahia, competitive exam pia khenkhat te hi a strategy teu ka etlehi gentak gual in hardwork a mawk pawng sim lam in a chia hi atam mama, zia hi i lawtin thei lo nau khat ahin kahia. Kei mimal ah ka panpi thei na chu knowledge leh strategy share himai intin tu dinmun ah lawnei le i hinailo ziak in, apoimaw ei dawt nawp uh a um ahileh ka mobile number ah dawt/hopi thei hizing ingka ti le ka gen nuam hi.

ZSB: Social leh Kochuam tawh lekhasim lam ah time management hi bangtin la bawl sek em?Banggual in bawl hileh phapen ding in suggestion la petheidiam?
Tracy: Dan ah i gen tak gual in mani kihetchian na hi a poimaw ah, time manage thiam ihi leh hilo zil in involvement kha control mai ngai in ah. Multi task thiam/time manage thiam ihileh bawlkhawm thei ahi ahinlai manage thiamlo le vang involvement lam hi ki sum deu mai pha kasai. Ei thingtangmi te hi a ki leiko mama, i gim leh le ki gim diak sek a kibang ah zia chu hilo a time manage thiam ahi pawt daw inle in i tung tak le i lekhasim di kha thullo thei hile hin phamama ding ahi. Khâm i hawl sung hi phatak cha iki sak nak leh kum 2 khel hi lo ding ahia zia sung akhan Zillaiikimat lo vang akhan i Zillai hina kha bei diak pua, sepna i hung nei phatleh le contribution kha lian zaw kibawl thei nalai ahi ziak ini time kha i invest hung suak in kahia.

ZSB: Kipak a um hi la hun man tam tak lei piak ziak in?
Tracy: Keile ka kipak hi ZSB masawn jel ta hen.