11th Oct 2021 | Kanam Vaiphei
VPC RENGKAI UNIT HAWNNA LE PUITU DING KITELNA NEI AHI
Hun sawt tak ah pat guanggal ah ala um, tu ni chun VPC Gangpimual Block nuai ah um ding in VPC Rengkai Unit hawndawna Pu Boijoy Vaiphei, Chairman, VPC Gangpimual Block in a nei hi.
Pu Haulalven, Vice Chairman in tuni hun mat na malan,
Unit thak hawndawna nei zaw tawh kitawn in Unit puitu dingle guatna nei le anei ngal uh ahi. Unit Chairman ding in Ch. Kamkhanpau s/o (L) Songkhokam guat a hia, Vice Chairman ding in Songzakap s/o Rev.Tongtinthang guat ahi kit ngal hi.
Tu ah lawi upa te hin , General Election kit (2024) chan mawpuakna atuk ding uh ahi.
Chuleh, amau hin hapta khat sung ah Executive member a form ding uh ahi.
Pu Henthianlun, Vice President, VPC GHQ in guat ah umte gel ginumna thu atiam sak ahi.
Za um , Upa Ngulthang in guat aum te gel malzawl dawt piak na Pathian kiang in a nei a hi.
Pu Hauneilal Vaiphei, President, VPC GHQ in thugenna hun nei in, Rengkai dung leh vai ah um I suapiu Pu Faihriem suan leh pakte le I lak ua hung kihel thei ta ding a hiu kineppi thu a gen hi.
